Sumasampalataya kami na ang Kapatid na Felix Y. Manalo ang huling sugo ng Diyos; siya ang katuparan ng mga hula sa Biblia patungkol sa sugo na magmumula sa Malayong Silangan (Apoc. 7:2-3) na mangangaral sa mga anak ng Diyos sa mga huling araw (Isa. 43:5-6; 46:11; 41:9-11). Inihahayag ng Diyos ang kahulugan ng Kaniyang mga salita sa Kaniyang mga sugo sa pamamagitan ng Espiritu Santo (II Ped. 1:20-21), at ang katunayan na ang mga sinugo ay tinuruan ng Espiritu Santo ay hindi nagkakasalungatan ang kanilang mga aral (I Cor. 2:13).